Tramo sinxelo que comunica os pobos de Cádavo, Vilaselle,
Aldegunde, Pereira, Vilares, Castiñeiras e Fonteo. En
xeral transcorre por carreiros e corredoiras fácilmente
transitables debido en parte a que ainda están en uso
para labores agrícolas e para o traslado de gando.
A paisaxe é marcadamente agraria e a particular configuración
terrritorial da zona pola que transcorre o tramo descúbrenos
pequenas pero continuas sorpresas que nos achegan a principal
fonte de riqueza do municipio de Baleira.
Saímos de O Cádavo pola estrada
de Perrelos, que pronto abandoaremos para seguir un carreiro
que descende suavemente a nosa dereita. Sin posibilidade de
perda chegaremos a Vilaselle, pobo que cruzamos para saír
en dirección
N por unha corredoira delimitada por balados de pedra.
O camiño comenza a ascender, primeriro
suavemente e logo de xeito máis pronunciado ata acadar
un tramo máis
chan onde o deixaremos para desviarnos de novo á dereita,
seguindo un carreiro claramente en ascenso por unha zona de
mato.
Rematado o ascenso e logo dunha zona chá, deberemos
de descender por un camiño que parte radicalmente a
nosa dereita. Pronto teremos á vista Aldegunde, localidade á que
chegaremos pola zona máis alta do pobo. Descendemos atravesando o pobo e abandoámolo por
unha corga á esquerda delimitada primeiro por chantos
e logo por balados, que desembocará finalmente nas
inmediacións da “Casa do Eirexe”. |
