Partimos da zona de recreo habilitada no mesmo
nacemento do río Eo en Fonteo, tomando durante uns centos
de metros a estrada en dirección a Meira. Logo desviámonos
pola pista asfaltada en dirección a Real e Sampaio,
que seguimos primeiro en baixada e logo nunha curta pero pronunciada
subida, ata acadar un desvío a esquerda cando a pista
perde a pendente.
O desvío remonta a xeito de cortalumes
pola divisoria do monte para ó cabo duns metros comezar
un longo descenso ata as inmediacións de Millares. Atoparemos
a confluencia de catro camiños, divididos por
un pequeno regato que deberemos cruzar para continuar
de frente e subindo. O sendeiro pouco a pouco vaise estreitando,
adentrándose nunha zona arborada que pronto deixaremos
atrás. Unha sucesión de camiños e carreiros
condúcenos a un punto no que á altura dunha curva
moi marcada á esquerda e en descenso, deberemos desviarnos
radicalmente á dereita e en subida, para bordear unhas
fincas ata retomar un camiño que xa nos conduce sin problemas
ata a zona máis alta de A Braña
|
