A Marronda é un exemplo excepcional de bosque autóctono galego que ocupa una extensión de 611 ha . entre as aldeas de A Braña, Fórneas, Mendreiras, O Real e Martín.

Nunha zona de media montaña, con valores altitudinais comprendidos entre os 450 e os 925 m . medra esta vigorosa e atractiva masa natural na que podemos atopar numerosas especies tanto vexetais como animais.

Son protagonistas da diversidade vexetal as faias, os castiñeiros, os carballos, as abeleiras, os acevros, os cancereixos, os salgueiros, os sanguiños, as hedras, os toxos, as xestas, os fentos, los arandos, as silvas, os líquens, os mofos, etc.

Entre os representantes da variedade faunística figuran o xabarín, o corzo, o raposo, a xineta, a donicela, o esquío, o azor, o gabián, a águia caudal, o corvo, a perdiz, o cuco, a bubela, o morcego, o porco espiño, as formigas, os vagalumes, as lesmas ou os vermes e ácaros do solo forestal.

Esta impresionante fraga é ademáis un tesouro paisaxístico e visual que nos regala estampas cambiantes coas estacións. Mentras o verde intenso da clorofila das follas domina todo na primavera e no verán, o amarelo da capa subxacente de pigmentos aparece ó descuberto no outono e o frío penetra nas polas núas do invierno que amencen brancas cando a neve acanda estas latitudes.