A Fraga da Marronda, situada entre as entidades de Braña, Mendreiras, Martín e a estrada que une O Cádavo con Martín, é considerada a nai de tódolos bosques de Baleira que, xunto con outros bosques do municipio como son os de Freixido, Bosque do Eo, Monte Grande e Carballal, Bosque da Lastra e Bosque de Córneas entre outros, conforman unha extensión de máis de 30 quilómetros cadrados de bosque. A Fraga de A Marronda, cunha extensión de 1.239 Ha . constituye un magnífico exemplo de bosque autóctono Galego que ademáis conserva un excepcional estado de conservación.

A Fraga da Marronda está incluida na “Rede Natura 2000” , constituída por Zonas de Especial Protección para Aves, e polos chamados Lugares de Importancia Comunitaria da Rexión Biogeográfica Atlántica aprobada pola Decisión Comunitaria de 7 de Decembro de 2004 (DOCE L387 de 29/12/2004).

Esta Fraga Caducifolia de montaña ten como principal singularidade a de constituir unha das máis importantes reservas de faias de Europa. Con valores de altitude comprendidos entre os 500 e os 700 metros , nesta vigorosa e fermosa masa natural podemos atopar gran variedade de especies tanto vexetais como animais.