Ista variante non ten maior interese que evita-la
subida pola cresta de Mendreiras, tendo maior justificación
cando imos en dirección Cortevella-Mendreiras onde a
pendente é de certo moi forte, pero non na dirección
contraria, xa que o descenso dende Mendreiras pódese
facer con tranquilidade e as vistas que oferta o cordal das
retortas do río Eo, merecen un pequeno esforzo.
En calquera caso, para segui-la variante baixaremos de Mendreiras
pola estrada que vai cara a Martín, e o chegar a un
novo grupo de casas, nunha curva moi pechada á esquerda,
ben coñecida polos participantes do Rally San Froilán,
desviarémonos á dereita por un camiño
de terra que nace na parte alta das cortes destas vivendas.
O camiño, percorrido a cotío polo gando da zona,
baixará lixeiramente ata onde rematan as entradas ós
pastizais, para continuar chán ó longo dun pequeño
piñeiral. Ó sair a unha zona despexada faise
unha ampla curva á dereita, para enazar de novo coa
ruta principal, en pleno descenso a Cortevella. |
