Escomezamos o noso descenso por un estreito
camiño que desemboca na pista que nos conducirá ata
Estornín. No medio diste pobo, parte unha estreita corga
que descendendo por ela conduciranos por un camiño cambiante
e moi atractivo ata Suagranda, pobo composto por unha única
casa que abandoamos por un amplo sendeiro en baixada, primeiro
suave e logo bastante pronunciada, ata un regueiro que cruzaremos
sen excesivas dificultades para logo remontarnos ata as inmedicacións
de Ladride.
Alí un novo tramo descende rápidamente ata o
rego de Cubilledo, que bordeamos ata acadar unha estrada asfaltada
que nos leva á fermosa igrexa de Cubilledo, xunto da
cal ofrece a sua sombra un antigo e grande teixo. Pasada a igrexa e logo dun pequeño tramo pola estrada
cara a Castro, dseviámonos á dereita para tomar
un camiño empedrado de forte pendente que nos conduce
sen perda ata o pobo.Á entrada de Castro, desviándonos
uns metros á dereita vemos unha pequena e singular
capela. |
