Este tramo ten unha doble utilidade, pois serve
para comunicar o tramo Cádavo-Penas-Estornín
co “Camiño Primitivo” de Santiago, polo que podemos
voltar ata Cádavo, e ademais convírtese nunha
entrada ó sendeiro dende a estrada de A Fonsagrada.
Logo de cruzar o pequeño regato que atopamos na baixada
a Estornín dende Penas e despois dun treito en ascenso
chegamos a unha curva á esquerda nunha ampla bifurcación.Si
continuamos á esquerda chegaremos pronto a Estornín,
si optamos pola opción da dereita comezamos unha longa
pero asequible subida, primeiro máis pronunciada pero
logo cada vez máis suave.Trátase dun camiño
de terra que desemboca na estrada de A Fonsagrada , que seguiremos
agora uns centos de metros, para desviarnos á dereita
no remate dunha recta para descender ata Trabeiro sen perda. Outra opción é desviarnos antes de chegar ó regueiro
nun cruce similar ó descrito anteriormente que atopamos
no descenso dende Penas, logo do cruce da “Variante dos arandos”,
e que tamén tomaremos á nosa dereita. Continuando
por este camiño, cruzaremos o regueiro
un pouco máis arriba e logo de traspasar unha cancela
seguimos o trazado lóxico do sendeiro ata desembocar
no camiño que sube dende Estornín. |
